Sunday, October 02, 2005

బృందావనంలో పారిజాతం

డెబ్భయ్‌ వసంతాల కిందట
ఉదయించిన ఒక అరుణ కిరణం
తొమ్మిది యేండ్లకు పుట్టిల్లు వదిలిన
ఆమె బాల్యం
అత్తారిల్లే నేటికి అవిడకు వైకుంఠం
చెదరని అవిడ మనోధైర్యం
కదిలిస్తుంది నా అంతరంగం
మా అందకిరి ఆమె అభయ హస్తం
మకరందాలతో పోటీపడే
ఆమె మమకారం
అమృతాల ఆప్యాయతను పంచే
చిరునవ్వు ఆమెకే సొంతం
గుడిమెట్టు ఎక్కని ఆవిడ నాస్తికత్వం
పనిపాటలే సర్వస్వం అనే ఆమె మానవత్వం
చాలా మందికి విచిత్రం
వంటవార్పులే ఆమెకి కాలక్షేపం
ప్రతి రోజు ఇంట పంచభక్షప్రమాన్నం
వచ్చేపొయే వాళ్ళకి మహాప్రసాదం
ఎమిటో యి రోజు నాలో భావోద్రేకం
బోర్లా పడిన నేలని వదిలి వచ్చిన
నా యాంత్రిక జీవనం
పరిగెత్తుకొని పోలేని యీ మైళ్ళ దూరం
ఎదో ఇవ్వాలన్న నా తాపత్రయం
ఏమి ఇచ్చినా తీర్చుకోలేని ఆమె రుణం
కలవర పెట్టకుండా ఆమె ఆరోగ్యం
భగవంతుడు ఇవ్వాలి మాకు మరింత ధైర్యం
ఎందుకంటే
ఆమె మా బృందావనంలో పారిజాతం
ఓ సీతమ్మా..... (అమ్ముమ్మా)
నా(మా)మనసులనిండా నీ ఙ్ఞాపకాలు పదిలం

***

Today's Picture:



నేత చీరల అందం చేనేత పని వారి శ్రమ అమితం

***

Today's Song:

ఏల వచ్చెనమ్మ కృష్ణుడేల వచ్చెనే?
మాయదారి కృష్ణుడొచ్చి మహిమ చూపెనే
గోపికా స్త్రీలంతా నీళ్ళకెళ్ళంగా
వెనకాల కృష్ణుడొచ్చి కళ్ళు మూసెనే
ఏల వచ్చెనమ్మ కృష్ణుడేల వచ్చెనే?
మాయదారి కృష్ణుడొచ్చి మహిమ చూపెనే
ఉట్టి మీద పాలు పెరుగు ఎట్లు దించెనే?
కొట్ట బోతె చిన్ని కృష్ణుడెందు బోయెనే?

ఏల వచ్చెనమ్మ కృష్ణుడేల వచ్చెనే?
మాయదారి కృష్ణుడొచ్చి మహిమ చూపెనే
కాళింది మడుగులోన కడిగేవాడమ్మా
బాలుడు కాదమ్మ పెద్ద వాడమ్మా
ఏల వచ్చెనమ్మ కృష్ణుడేల వచ్చెనే?
మాయదారి కృష్ణుడొచ్చి మహిమ చూపెనే
చీరలన్ని మూటకట్టి చిన్ని కృష్ణుడు
పొన్నుమాను మీద పెట్టి పంతమాడెనే
ఏల వచ్చెనమ్మ కృష్ణుడేల వచ్చెనే?
మాయదారి కృష్ణుడొచ్చి మహిమ చూపెనే

3 comments:

Yoga 5:23 PM, October 02, 2005  

Well written poem...
aa krishnuDi kavita evaru raasaaru?
intaki tamarevarO selavistee aanandistaamanDi...
u seem to be a telugu NRI too...

anveshi 11:54 PM, October 02, 2005  

Hi Yoga-
Thanks for ur input :)
i don't know who wrote those lines about lord krishna.
acutally,i thought it is a kOlaaTam song.
just now i checked with my grand ma, she told me it is a gobbi paaTa &she also don't know about the writer:(
and yup i am also a telugu NRI.

Yoga 7:59 PM, October 03, 2005  

Oh ok. yeah the folk songs and ballads are too good...simple and mellifluous and no one knows who wrote it!...
Anyways, I wrote a new one yesterday...
Unable to post in my regular blog. So, posted in my LJ...
Lemme know your comments...
if you have time.
http://www.livejournal.com/users/yoganand/12634.html

  © Blogger template Blogger Theme by Ourblogtemplates.com 2008

Back to TOP